«MULTIBANK»

MUS’ULIYATI CHЕKLANGAN JAMIYATINING

USTAVI

1. UMUMIY QOIDALAR

1. «MULTIBANK» mas’uliyati cheklangan jamiyatining (bundan buyon matnda «Jamiyat» deb yuritiladi) mazkur Ustavi O‘zbekiston Respublikasining «Mas’uliyati cheklangan hamda qo‘shimcha mas’uliyatli jamiyatlar to‘g‘risida»gi Qonuni va boshqa qonun hujjatlari, shuningdek yagona ishtirokchisinig 20.10.2023 yildagi qarori asosida ishlab chiqilgan.
2. Yagona ishtirokchisi:

• IVANOV IVAN IVANOVICH (Выберите элемент. : AB 12345678, 20.10.2023 yilda, Toshkent shahar, Yunusobod tumani IIB tomonidan Выберите элемент., Выберите элемент. ______________________).

1. Jamiyatning to‘liq firma nomi:

1. Davlat tilida: «MULTIBANK» mas’uliyati cheklangan jamiyati,
2. Rus tilida: Общество с ограниченной ответственностью «MULTIBANK»
3. Jamiyatning qisqartirilgan firma nomi:
4. Davlat tilida: «MULTIBANK» МЧЖ
5. Rus тилида: ООО «MULTIBANK»

2. Jamiyatning pochta manzili: O‘zbekiston Respublikasi, Yunusobod tumani, А. Donish ko’chasi, 12-uy.
3. Jamiyat cheklanmagan muddatga tashkil etiladi.

2. JAMIYATNING YURIDIK MAQOMI

1. Jamiyat O‘zbekiston Respublikasining qonun hujjatlariga asosan yuridik shaxs hisoblanadi. Jamiyat belgilangan tartibda davlat ro‘yxatidan o‘tkazilganidan keyin yuridik shaxs maqomiga ega bo‘ladi.
2. Jamiyat o‘z faoliyatini mazkur ustav va O‘zbekiston Respublikasining qonunlariga muvofiq va ta’sis hujjatlariga asosan amalga oshiradi.
3. Jamiyat o‘z majburiyatlari bo‘yicha O‘zbekiston Respublikasining qonun hujjatlariga muvofiq javob beradi. Yagona ishtirokchisi jamiyatning majburiyatlari bo‘yicha javobgar bo‘lmaydi va jamiyat faoliyati bilan bog‘liq zararlar uchun o‘z qo‘shgan hissalar qiymati doirasida javobgar bo‘ladi.
4. Jamiyat o‘zining firma nomi yozilgan shtamp va blankalarga, shuningdek belgilangan tartibda ro‘yxatga olingan o‘z emblemasiga, tovar belgisiga ega bo‘lishga haqli.
5. Jamiyat o‘z egaligida mustaqil balansda hisobga olinadigan alohida mol-mulkka ega, o‘z nomidan huquqlar va majburiyatlar olishi, sudda da’vogar va javobgar bo‘lishi mumkin.

3. JAMIYATNING FILIALLARI VA VAKOLATXONALARI

1. Jamiyat O‘zbekiston Respublikasining qonun hujjatlari talablariga muvofiq vakolatxonalar va filiallar va boshqa alohida bo‘linmalar tuzishga haqli.

4. JAMIYATNI TASHKIL ETISHDAN MAQSAD VA FAOLIYAT TURLARI

1. Jamiyatni tashkil etishdan asosiy maqsad ishtirokchilar manfaatlari uchun foyda olish.
2. Jamiyat faoliyatining predmeti bo‘lib mevalar va sabzavotlar ulgurji savdosi (IFUT: 46.31.0) hisoblanadi. Shu jumladan:

• _______________________________________________________;

• qonun hujjatlari bilan taqiqlanmagan boshqa har qanday faoliyat turlari.

1. Amalga oshirilishi uchun maxsus ruxsatnoma (litsenziya) talab qilinadigan faoliyat tegishli ruxsatnoma (litsenziya) olingandan keyin amalga oshiriladi.

5. YAGONA ISHTIROKCHISINING HUQUQ VA MAJBURIYATLARI

1. Yagona ishtirokchisi quyidagilarga haqli:

• qonun hujjatlarida va jamiyatning ta’sis hujjatlarida belgilangan tartibda jamiyatning ishlarini boshqarishda ishtirok etish;
• qonun hujjatlarida va jamiyat ta’sis hujjatlarida belgilangan tartibda jamiyatning faoliyati to‘g‘risida axborot olish hamda uning buxgalteriya daftarlari va boshqa hujjatlari bilan tanishish;
• foydani taqsimlashda va uning tegishli qismini olishda ishtirok etish;
• jamiyatning ustav fondidagi o‘z ulushini yoxud uning bir qismini qonun hujjatlarida va jamiyatning ustavida nazarda tutilgan tartibda uchinchi shaxslarga sotish yoki o‘zga tarzda ularning foydasiga voz kechish;
• qonun hujjatlarida va jamiyatning ta’sis hujjatlarida nazarda tutilgan tartibda istalgan vaqtda jamiyat ishtirokchilari tarkibidan chiqish;
• jamiyat tugatilgan taqdirda, kreditorlar bilan hisob-kitob qilinganidan keyin qolgan mol-mulkning bir qismini yoki uning qiymatini olish;
• yagona ishtirokchisi jamiyatning ta’sis hujjatlarida nazarda tutilgan boshqa huquqlarga ham ega bo‘lish mumkin.

1. Yagona ishtirokchisining majburiyatlari:

• qonun hujjatlarida va jamiyatning ta’sis hujjatlarida nazarda tutilgan qoidalarga amal qilish;
• qonun hujjatlarida va jamiyatning ta’sis hujjatlarida nazarda tutilgan tartibda, miqdorda, usullarda va muddatlarda hissa qo‘shish;
• jamiyat faoliyati to‘g‘risidagi sir tutilgan axborotni oshkor qilmaslik;
• Yagona ishtirokchisiga jamiyatning ta’sis hujjatlarida nazarda tutilgan boshqa majburiyatlar ham yuklanishi mumkin.

6. JAMIYATNING MOL-MULKI VA MABLAG‘LARI

1. Jamiyat mustaqil ravishda o‘ziga tegishli mol-mulkdan foydalanadi.
2. Jamiyatning mol-mulki:

• yagona ishtirokchisining ulushlaridan;
• jamiyat faoliyati natijasida olingan foydadan;
• O‘zbekiston Respublikasining amaldagi qonun hujjatlari bilan taqiqlanmagan boshqa manbalardan shakllantiriladi.

7. JAMIYATNING USTAV FONDI

1. Jamiyatning tashkil etilishi va faoliyatini amalga oshirishi uchun yagona ishtirokchisi 1 000 000 so’m miqdorida ustav fondi shakllantirishadi.
2. Yagona ishtirokchisi ustav fondidagi ulushi quyidagicha:

IVANOV IVAN IVANOVICH — 1 000 000 so’m, ya’ni 100%

3. Yagona ishtirokchisi Jamiyat davlat ro‘yxatidan o‘tkazilganidan keyin bir yil mobaynida ustav fondidagi ulushini to‘liq kiritadi.
4. Pul, qimmatli qog‘ozlar, o‘zga ashyolar yoki mulkiy huquqlar yoxud pul bahosiga ega bo‘lgan boshqa shaxsga o‘tkaziladigan o‘zga huquqlar jamiyatning ustav fondiga qo‘shiladigan hissalar bo‘lishi mumkin.
5. Yagona ishtirokchisining qaroriga asosan ustav fondini ko‘paytirishi yoki kamaytirishi mumkin.
6. Jamiyatning ustav fondini ko‘paytirishga u to‘liq to‘langanidan keyingina yo‘l qo‘yiladi. Jamiyat ustav fondining ko‘paytirilishi jamiyatning mol-mulki hisobiga va (yoki) yagona ishtirokchisining qo‘shimcha hissalari hisobiga, agar bu jamiyatning ustavi bilan taqiqlangan bo‘lmasa, jamiyatga qabul qilinadigan uchinchi shaxslar hissalari hisobiga amalga oshirilishi mumkin. Jamiyat ustav fondini jamiyatning mol-mulki hisobiga ko‘paytirish to‘g‘risidagi qaror bunday qaror qabul qilingan yildan oldingi yil uchun jamiyatning buxgalteriya hisoboti ma’lumotlari asosidagina qabul qilinishi mumkin.
7. Jamiyatning ustav fondini kamaytirish yagona ishtirokchisiga tegishli bo‘lgan ulushining nominal qiymatini kamaytirish yo‘li bilan amalga oshirilishi mumkin. Jamiyat ustav fondini kamaytirish va uning yangi miqdori to‘g‘risida qaror qabul qilingan vaqtdan boshlab o‘ttiz kun mobaynida jamiyatning unga ma’lum bo‘lgan barcha kreditorlarini xabardor qilishi shart.
8. Ustav fondini o‘zgartirish to‘g‘risidagi qaror uchinchi shaxslar uchun ustav va ta’sis shartnomasiga tegishli o‘zgartirishlar va qo‘shimchalar davlat ro‘yxatidan o‘tkazilganidan keyingina kuchga kiradi.

8. YAGONA ISHTIROKCHISINING JAMIYAT ISHTIROKCHILARI SAFIDAN CHIQISHI VA UNING OQIBATLARI

1. Yagona ishtirokchisi jamiyat ishtirokchilari safidan chiqish huquqiga ega. Bunday holatda yagona ishtirokchisi ustav fondidagi uchinchi shaxslarga sotish yoki ularning foydasiga voz kechish huquqiga ega.
2. Yagona ishtirokchisi ishtirokchilar safidan chiqishida unga o‘zi tomonidan ustav fondiga kiritilgan ulushning haqiqiy qiymati natura yoki haqiqiy qiymatiga teng bo‘lgan pul ko‘rinishida qaytariladi.
3. Jamiyat ishtirokchisi o‘zgartirilganidan keyin jamiyatning ta’sis hujjatlariga zaruriy o‘zgartirishlar va qo‘shimchalar kiritishi lozim.
4. Jamiyatning ta’sis hujjatlariga kiritilgan o‘zgartirishlar uchinchi shaxslar uchun ular davlat ro‘yxatidan o‘tkazilganidan keyin kuchga kiradi.

9. YAGONA ISHTIROKCHISINING JAMIYAT USTAV FONDIDAGI ULUSHINING (ULUSHI BIR QISMINING) BOSHQA ISHTIROKCHILARIGA VA UCHINCHI SHAXSLARGA O‘TISHI

1. Yagona ishtirokchisi o‘z ulushini yoki ulushining qismini uchinchi shaxslarga sotishga yoki boshqacha shaklda ularning foydasiga voz kechishga haqli.
2. Yagona ishtirokchisining ulushi to‘liq to‘langan davrgacha bo‘lgan muddatda to‘langan qismi bo‘yichagina begonalashtirilishi mumkin.
3. Jamiyat ustav fondidagi ulushdan (ulushning bir qismidan) boshqa shaxsning foydasiga voz kechish, oddiy yozma shaklda amalga oshirilishi kerak.

10. JAMIYATNING HUJJATLARINI SAQLASH

1. Jamiyat quyidagi hujjatlarni saqlashi shart:

• jamiyatning ta’sis hujjatlari, shuningdek jamiyatning ta’sis hujjatlariga kiritilgan hamda belgilangan tartibda ro‘yxatdan o‘tkazilgan o‘zgartishlar va qo‘shimchalar;
• jamiyat muassislari yig‘ilishining jamiyatni tashkil etish va jamiyatning ustav fondiga qo‘shiladigan pulsiz hissalarning pul bahosini tasdiqlash to‘g‘risidagi qarorni, shuningdek jamiyatni tashkil etish bilan bog‘liq boshqa qarorlarni o‘z ichiga olgan bayonnomasi;
• jamiyat davlat ro‘yxatidan o‘tkazilganligini tasdiqlovchi hujjat;
• jamiyatning o‘z balansida turgan mol-mulkka bo‘lgan huquqini tasdiqlovchi hujjatlar;
• jamiyatning filiallari va vakolatxonalari to‘g‘risidagi nizomlar;
• yagona ishtirokchisi, jamiyat kuzatuv kengashi, jamiyatning kollegial ijro etuvchi organi va jamiyatning taftish komissiyasi qarorlar va majlislarining bayonnomalari;
• jamiyat taftish komissiyasining (taftishchisining) va auditorlik tashkilotining xulosalari;
• qonun hujjatlarida nazarda tutilgan boshqa hujjatlar.

1. Yuqorida aytib o‘tilgan hujjatlar ijro etuvchi organ joylashgan joyda saqlanadi.
2. Agarda amaldagi qonun hujjatlari bilan boshqacha qoidalar belgilangan bo‘lmasa, jamiyat mazkur ustavning 10.1-bandida ko‘rsatib o‘tilgan hujjatlarni doimiy saqlaydi.
3. Yagona ishtirokchisining talabi bilan unga axborot, shuningdek ta’sis hujjatlarini unga kiritilgan o‘zgartirish va qo‘shimchalar bilan taqdim qilishi yoki nusxa berishi shart.

11. HISOB VA HISOBOT

1. Jamiyat o‘z faoliyatini mustaqil rejalashtiradi va o‘z mahsuloti va xizmatlariga narxlarni bozor konyukturasidan kelib chiqib belgilaydi.
2. Jamiyat mustaqil ravishda buxgalteriya hisobini, statistika va moliyaviy hisobotni qonun hujjatlarida belgilangan tartibda amalga oshiradi.
3. Jamiyat mustaqil ravishda jamiyatning tashkiliy tuzilmasini, shtat jadvalini va mehnatga haq to‘lashni O‘zbekiston Respublikasi qonun hujjatlariga muvofiq hal qiladi.
4. Jamiyat faoliyatiga oid hisobotlarni qonunda belgilangan tartibda davlat organlariga taqdim qiladi.

12. DAROMADNI TAQSIMLASH VA ZIYONLARNI QOPLASH

1. Jamiyat barcha soliqlar va majburiy to‘lovlarni to‘laganidan keyin uning hisobida qolgan mablag‘lar jamiyatning foydasini tashkil etadi.
2. Jamiyat ustav fondining 15% miqdorida zaxira fondi shakllantiradi. Jamiyatning zaxira fondi uning zararlarini qoplash va qonunda nazarda tutilgan hollarda jamiyatning ustav fondidagi ulushni (ulushning qismini) sotib olish uchun mo‘ljallangan.

13. JAMIYATNING BOSHQARUV ORGANLARI

1. Jamiyatning boshqaruv organlari bo‘lib quyidagilar belgilanadi:

• Jamiyatning yagona ishtirokchisi — oliy boshqaruv organi;
• direktor jamiyatning ijro etuvchi organi.

1. Jamiyatda kuzatuv kengashi va taftish komissiyasi belgilangan tartibda tashkil etilishi mumkin.

14. JAMIYATNING YAGONA ISHTIROKCHISI

1. Jamiyatning oliy boshqaruv organi bo‘lib jamiyatning yagona ishtirokchisi hisoblanadi.
2. Yagona ishtirokchisining mutlaq vakolatlari jumlasiga quyidagilar kiradi:

1. jamiyat faoliyatining asosiy yo‘nalishlarini belgilash, shuningdek tijorat tashkilotlarining boshqa birlashmalarida ishtirok etish to‘g‘risida qaror qabul qilish;
2. jamiyat ustav fondining miqdorini o‘zgartirish;
3. ta’sis hujjatlariga o‘zgartishlar va qo‘shimchalar kiritish;
4. jamiyatning ijro etuvchi organlarini tuzish va ularning vakolatlarini muddatidan ilgari tugatish;
5. jamiyatning taftish komissiyasini (taftishchisini) saylash va uning vakolatlarini muddatidan ilgari tugatish;
6. agar jamiyatning ustavida kuzatuv kengashini tuzish nazarda tutilgan bo‘lsa, uni saylash va uning vakolatlarini muddatidan ilgari tugatish;
7. yillik hisobotlarni va yillik buxgalteriya balanslarini tasdiqlash;
8. jamiyatning sof foydasini taqsimlash to‘g‘risida qaror qabul qilish;
9. jamiyat organlarining faoliyatini tartibga soluvchi hujjatlarni tasdiqlash (qabul qilish);
10. auditorlik tekshiruvini o‘tkazish to‘g‘risida qaror qabul qilish, auditorlik tashkilotlari hamda ularning xizmatlariga to‘lanadigan haqning eng ko‘p miqdorini aniqlash;
11. boshqa yuridik shaxslarni, vakolatxonalar va filiallarni tuzish to‘g‘risida qaror qabul qilish;
12. jamiyatni qayta tashkil etish yoki tugatish to‘g‘risida qaror qabul qilish;
13. tugatuvchini tayinlash va tugatish balanslarini tasdiqlash.

15. IJRO ETUVCHI ORGAN

1. Jamiyatning ijro etuvchi organi bo‘lib jamiyatning joriy faoliyatiga rahbarlikni amalga oshiruvchi direktor hisoblanadi.
2. Jamiyatning yagona ishtirokchisi tomonidan saylanadi.
3. Jamiyat va jamiyatning direktori o‘rtasidagi shartnoma, jamiyat nomidan, yagona ishtirtokchisi yoki yagona ishtirokchisi tomonidan vakolat berilgan shaxs tomonidan imzolanadi.
4. Direktor yagona ishtirokchisining qarori bilan lavozimidan ozod qilinishi mumkin.
5. Jamiyatning direktori:

• jamiyat nomidan ishonchnomasiz ish yuritadi, shu jumladan uning manfaatlarini ifodalaydi va bitimlar tuzadi;
• jamiyat nomidan vakillik qilish huquqi uchun ishonchnomalar beradi;
• jamiyat xodimlari bilan mehnat shartnomalari tuzadi va ularni bekor qiladi, xodimlarga nisbatan rag‘batlantirish choralarini va intizomiy jazolarni qo‘llaydi;
• jamiyatning barcha xodimlari uchun majburiy bo‘lgan buyruqlar va farmoyishlar chiqaradi;
• qonun hujjatlari va jamiyatning ustavi bilan jamiyat yagona ishtirokchisining va jamiyatning kuzatuv kengashi vakolatlari jumlasiga kiritilmagan boshqa vakolatlarni amalga oshiradi.

1. Direktor yagona ishtirokchisiga hisobot beradi va uning oldida jamiyat faoliyatining amalga oshirilishi hamda unga yuklatilgan vazifa va topshiriqlarning bajarilishi uchun javobgardir.
2. Direktor jamiyat mol-mulkini tasarruf etishi va yagona ishtirokchisining qarori bo‘yicha yirik bitimlar tuzishi mumkin.

15. JAMIYAT FAOLIYATI YUZASIDAN NAZORAT

1. Jamiyatda alohida nazorat qiluvchi organning tuzilishi ko‘zda tutilmagan.
2. Jamiyatning moliyaviy-xo‘jalik faoliyati ustidan nazorat yagona ishtirokchisi yoxud mustaqil auditorlik tashkiloti tomonidan amalga oshiriladi.

16. JAMIYATNING TIJORAT SIRI

1. Jamiyatning tijorat siri — uchinchi shaxslarga noma’lumligi sababli tijorat qimmatiga ega bo‘lgan, qonuniy asosda erkin foydalanilmaydigan axborot bo‘lib, ushbu axborot jamiyat tomonidan uning maxfiyligini muhofaza qilish bo‘yicha chora-tadbirlarni ko‘radi.
2. Tijorat sirining muhofaza qilinishini ta’minlash maqsadida xodim:

• ish beruvchi tomonidan o‘rnatilgan tijorat siri rejimiga rioya etishi;
• ish beruvchining roziligisiz tijorat sirini oshkor etmasligi va undan shaxsiy maqsadlarda foydalanmasligi;
• mehnat shartnomasi (kontrakt) bekor qilinganda o‘z foydalanishida bo‘lgan, tijorat siri aks etgan moddiy jismlarni ish beruvchiga topshirishi yoki uni mazkur jismlardan ish beruvchining nazorati ostida yo‘q qilib yoxud o‘chirib tashlashi shart.

17. JAMIYATNI QAYTA TASHKIL ETISH VA TUGATISH

1. Jamiyatni qayta tashkil etish yoki tugatish O‘zbekiston Respublikasi Fuqarolik kodeksining 49 — 55-moddalarida va «Mas’uliyati cheklangan hamda qo‘shimcha mas’uliyatli jamiyatlar to‘g‘risida»gi O‘zbekiston Respublikasi Qonunining 49 — 55-moddalarida nazarda tutilgan tartibda amalga oshiriladi.
2. Jamiyatni qayta tashkil etish yagona ishtirokchisining qarori bo‘yicha qo‘shib yuborish, birlashtirish, bo‘lish, ajratib chiqarish va qayta tuzish shaklida amalga oshirilishi mumkin.
3. Jamiyat belgilangan tartibda ixtiyoriy ravishda yagona ishtirokchisining qarori bo‘yicha tugatilishi mumkin. Jamiyat qonun hujjatlarida nazarda tutilgan asoslarga ko‘ra sudning qaroriga binoan ham tugatilishi mumkin.
4. Jamiyatning tugatilishi haqidagi yozuv yuridik shaxslarning yagona davlat reyestriga kiritib qo‘yilganidan so‘ng jamiyatni tugatish tamomlangan, jamiyatning faoliyati esa tugagan hisoblanadi.

18. YAKUNIY QOIDALAR

1. Mazkur Ustav jamiyat O‘zbekiston Respublikasining qonun hujjatlarida belgilangan tartibda davlat ro‘yxatiga olingan vaqtdan boshlab kuchga kiradi.
2. O‘zbekiston Respublikasining amaldagi qonun hujjatlari bilan tartibga solinmagan masalalar, qonunda boshqa hollar nazarda tutilmagan bo‘lsa, ushbu ustavga muvofiq tartibga solinadi.

YAGONA ISHTIROKCHISI:

IVANOV IVAN IVANOVICH ________________________________